«حالىقارالىق باعدارلامالار ورتالىعى» اق پرەزيدەنتى جانبولات مەلدەشوۆ بۇگىنگى تاڭدا تمد ەلىندە تانىمال بيزنەس-ترەنەر, تەولوگ شاميل الياۋتدينوۆپەن كەزدەستى.
شاميل ءوزىنىڭ قوعامدىق لەكتسيالارى كەزىندە حبو اياسىنداعى ءبىلىم باعدارلامالارى تۋرالى بىرنەشە رەت ايتقان بولاتىن. تەولوگتىڭ پىكىرىنشە, ساپالى ءبىلىم الۋ مەن ەلىنە پايدا تيگىزۋ- ءوز ءومىرىڭدى باسقا دەڭگەيگە كوتەرۋ.
«25 جىل ىشىندە جۇرگىزىلىپ كەلە جاتقان پرەزيدەنتتىك بۇل باعدارلاما – وتە ماڭىزدى. باعدارلاما نەگىزىندە مەملەكەت مۇمكىندىك ۇسىنىپ, ەڭ ماڭىزدىسى, شەتەلدە وقۋىنا قاجەتتى قارجىلاي كومەك كورسەتە وتىرىپ, ەلگە قايتىپ كەلىپ ەڭبەك ەتۋلەرىن ءوتىنىپ وتىر. «بولاشاق» - كەرەمەت باعدارلاما» دەپ اتاپ ءوتتى شاميل الياۋتدينوۆ.
«تريلليونەر» جوباسى اۆتورىنىڭ ايتۋىنشا, شەتەل تىلىندە ءبىلىم الۋ دۇنيەتانىمىن كەڭەيتىپ قانا قويماي, تۇلعانىڭ جان-جاقتى دامۋىنا اسەر ەتەدى.
«ادام ءبىلىم الا وتىرىپ, ونىڭ ىشىندە كۇندەلىكتى الۋعا بولاتىنداي ءبىلىم شەڭبەرىنەن شىعا وتىرىپ, دۇنيەگە كەڭىرەك قاراي باستايدى. ال ەگەر سىز شەت تىلىندە ءبىلىم الاتىن بولساڭىز, وندا الەمگە دەگەن كوزقاراسىڭىزدىڭ اۋقىمى, كولەمى, ءتىپتى ساراپتاماڭىز دا وزگەرە باستايدى. بۇل – وتە ماڭىزدى» - دەپ اتاپ وتتى بيزنەس ترەنەر.
تەولوگ جانبولات مەلدەشوۆپەن جانە «حالىقارالىق باعدارلامالار ورتالىعى» جۇمىسى جايلى العان اسەرىن الەۋمەتتىك جەلىدە ءبولىستى.